IAM ALIVE
على المغرب كده كنت قاعدة أفكر فى مسألة شغلانى ...أو بمعنى أصح مكالمة تليفون المفروض أنى أعملها وعمالة أشوف هأقول إيه وأتوقع رد الفعل وما إلى ذلك ......
المهم فعلا عملت المكالمة وأضايقت شوية منها وقعدت أفكر فى الحاجات اللى معجبتنيش وبعدين لقيتنى بقول لنفسى أو لعقلى الباطن بمعنى أصح :ألغى !!
ودى كلمة المفروض الواحد يقولها لما يحس أنه ابتدى يضايق ويركز تفكيره على السلبيات فبيطلب من عقله الاباطن يلغى الأفكار السلبية ويحاول تركيز تفكيره على الجوانب الإيجابية
وبعدين قولت لنفسى اسمعى شوية موسيقى ...المهم روحت لفولدر حبيبتى سيلين ديون فوقعت عينى على أغنية IAM ALIVE
أنا عارفاها بس مسمعتهاش بتركيز أوى قبل كده
شغلتها وشدتنى من أول كلمة ومن اول نبرة صوت للرائعة سيلين ديون ولقيت نفسى بتحرك مع الاغنية (أصلى بحب أوى أرقص على الأغانى واتحرك مع الايقاع بحس انى بطلع كل طاقتى وفعلا لما بكون مشحونة من أى حاجة واعمل كده بحس براحة )
وفعلا حسيت انى فى دنيا تانية ومع كل حركة من ايدى ورجلى او حتى اى تعبير فى وشى الضغط والشعور السلبى عمال يقل ...حسيت انى بارفض كل الزعل وبحاربه وبقوله لا IAM ALIVE!!
بجد جربوا الحكاية دى إمروا عقلكوا الباطن بإلغاء الكآبة واسمعوا الاغانى اللى بتحبوها وسيبوا لجسمكوا المساحة للتعبير عن نفسه ...صدقونى هتحسوا بتحسن ....هتلاقوا شفايفكوا بتبتسم وبتفكر لحل للمشكلة اللى مضايقاكوا
و....دلوقتى أنا هأبطل رغى علشان تروحوا تدوروا على اغنية IAM ALIVEعلى جوجل وتسمعوها وحسوا انكوا :YOU STILL ALIVE
هناك 7 تعليقات:
كلامك صح خصوصاً ان فعلا لما الواحد بيفكر فى حاجه سلبيه عقله الباطن بيظل يفكر فيها ويزد الشعورعند الواحد بالأحباط واليأس ولكن لما الأنسان يبدء يغير التفكير السلبى لأيجابى العقل الباطن يبدء يفكر فى الأشياء الأجابيه عشان تحل محل السلبيات وده اللى لزم الواحد يعمله ويدور على اى شىء تخرجه من الوقوع فى دائرة التفكير السلبية زيك كده وانا كمان بحب سيلن جداً
zada
زادا "وش مندهش"
منورةيا عم .....وألا بلاش نسييح على المدونة
المهم ان الموضوع عجبك أى خدعة بس أبقى شأرى عليا من وقت للتانى
هروح اسمعها يا نوسة عشان خاطرك
مع انى حافظاهااااااااااااااااااا
بس يلا بقى ما يضرش
ملحوظة صغيرة بس
"شأرى" اللى انتى قولتيها لزادة دى أعتقد انها اصوب تكون كده "شقرى" واتعودوا لما تكتبوا عاميه تكتبوها صح "وش مطلع لسانه "
حلو يا نوسة وانا فعلا لما ببقى زعلانة اطلع اغنية ترقص واديها لحاااااد لما اتعب ..http://3enadeya.blogspot.com/
When you call on me
When I hear you breathe
I get wings to fly
I feel that
Im alive
oooooh
u had a nice choice
this song energyzes me kteeeeeeeer
t7yatee
نيرة
طول عمرك رخمة ...بس كده
أيار
ايون كده اديها رقص ومش هتندمى
محمود سعودى
من بعض ماعندكم من حسن اختيار يا ....وألا بلاش انت بتزعل "وش بيضحك"
شكرا كتيير يا ايناس على النصائح الغالية اللى سمعتها 7000 مرة...بس التكرار يعلم الحمار ..مع الاعتذار للرقابة!hehehe طبعا دى مش بس غلاسة ده تحذير كتب من القرون الوسطى للاجيال القادة التى ستقوم بفتح هذا البلوج و معنى ان تجدوه انى غالبا فشلت فى مهمتى(لا تتم الا بوتد من الفضة مكان القلب)و اترك لكم اكمالها مع تحياتى
ملحوظة مهمة: اللى هيقربلها هاكسره
إرسال تعليق