هاى إزييكوا ....ياللى مشرفين مدونتى المتواضعة....والفاضية حاليا أنظف من الصيينى بعد غسيله !!
إيه رأيكوا نقضيها سلامات وطيبون ونستمتع مع بعض بالفضا ...فكرة جديدة مش كده ......
حبة جد بقى أنا أخدتكوا على مشامكوا كده مرة واحدة ...إلا يعنى ايه مشمكوا دى ؟ ما علينا
أعرفوا نبنفسى أنا اسمى إيناس الشناوى حاليا طالبة فى سنة رابعة آداب إعلام قسم تليفزيون وبشتعل فى الصحافة
أحلامى كتييييير بس العامل المشترك فيها أنى نفسى أبقى ناجحة ومتميزة فى كل حاجة
عملت مدونة ليه؟ حسيت انى نسى اتكلم عن نفسى وعن افكارى وعن احلامى واتعرف على ناس جديدة واستفيد من خبراتها وكمان الاقى منفذ غير تقليدى لحكى خواطرى ومخاوفى .....متخفوش أنا مش نكدية والله
بس تقدروا تقولوا عاتيفيية شوية "وش مكثووووف "
وبعد ماتعرفنا ادخل فى الصميم
بصوا بقى من اولها كده استغلال
هاسألكوا سؤال وعاوزة اجابات تنزل ترف عليا
السؤال إجبارى ومن خارج القرر وممنوع الغش وهو :
عمرك فكرت تبعت رسالة للريس ؟ولو فكرت هتقول فيها ايه ولو مفكرتش ليه
مستنيا اجاباتكوا على تليفون 8555...قصدى نستقبل اتصال تليفونى ونقول ألو .....
يووووووه
المهم عاوزة اجابات جامده
سلااااااااااااااااااااام
إيه رأيكوا نقضيها سلامات وطيبون ونستمتع مع بعض بالفضا ...فكرة جديدة مش كده ......
حبة جد بقى أنا أخدتكوا على مشامكوا كده مرة واحدة ...إلا يعنى ايه مشمكوا دى ؟ ما علينا
أعرفوا نبنفسى أنا اسمى إيناس الشناوى حاليا طالبة فى سنة رابعة آداب إعلام قسم تليفزيون وبشتعل فى الصحافة
أحلامى كتييييير بس العامل المشترك فيها أنى نفسى أبقى ناجحة ومتميزة فى كل حاجة
عملت مدونة ليه؟ حسيت انى نسى اتكلم عن نفسى وعن افكارى وعن احلامى واتعرف على ناس جديدة واستفيد من خبراتها وكمان الاقى منفذ غير تقليدى لحكى خواطرى ومخاوفى .....متخفوش أنا مش نكدية والله
بس تقدروا تقولوا عاتيفيية شوية "وش مكثووووف "
وبعد ماتعرفنا ادخل فى الصميم
بصوا بقى من اولها كده استغلال
هاسألكوا سؤال وعاوزة اجابات تنزل ترف عليا
السؤال إجبارى ومن خارج القرر وممنوع الغش وهو :
عمرك فكرت تبعت رسالة للريس ؟ولو فكرت هتقول فيها ايه ولو مفكرتش ليه
مستنيا اجاباتكوا على تليفون 8555...قصدى نستقبل اتصال تليفونى ونقول ألو .....
يووووووه
المهم عاوزة اجابات جامده
سلااااااااااااااااااااام
هناك 11 تعليقًا:
أولا مبروك ع البلوج يا نوسه
ثانيا بقى اجابة السؤال
بسم الله الرحمن الرحيم
وبناءا على تعليمات السيد الرئيس
فأنا أتمنى أبعتله رساله
أما عن المحتوى ففاكرة المسجون اللى فى فيلم جاءنا البيان التالى اللى كان عمال يتحسبن بحرقة أوى
فأنا رسالتى هتكون كالتالى "حسبنا الله ونعم الوكيل " وأتمنى تكون رساله شفهيه عشان أقولها بنفس الحرقة
منورة يانوسة عالم المددونين
مش عارفين نشكرك ازاى والله
بخصوص الكرامة
اقصد بحصوص الجواب
الى هبعتلة للاستاذ المبجل رضى الله عنة
السيد المفخم المالك لذمامة
فكرت ابعتلة واقولة فى الجواب
اتنيييييييييييييييييييل
انت ميت ميت
ولا مفر
ميرسى يا نونا
واجابتك الحقيقة بتنم على احساسك بسياته كأب مش كريسنا بس
ومن الواضح إنك فى اجابتك اتأثرتى بحكمته المعهودة
واتمنى من قلبى انك تحققى امنيتك وتقولى رسالتك شفهية بس ابقى سلمى على كل حبايبك الاول
سوسو
وحشانى يا غالية
طول عمرك تحبى المختصر المفيد
kاولا:مبروك يا قمر علي المدونة و عقبال ما تعملي القناة بتاعتك و تشغليني فيها كمان.
ثانيا:طبعا نفسي ارسل جواب لمبارك ده انا كمان نفسي اعمل معاه حوار صحفي .ده الشخص المسئول عن فردين بيشد في شعره فما بالك بقي المسئول عن 70 مليون "مصري" بصي يمكن انا مش سياسية درجة اولي ولكن انا شايفة أن الشخص أللي قدر يحافظ علي بلدي أكتر من 15 سنة من أي دخيل ومن قيام حرب فيها يبقي أكيد ده شخص دماغة جامدة جدا وصاحب استراتيجية لازم اعترف بنجاحها....يعني احسن من رؤساء دماغهم متركبة شمال و ودوا شعبهم في داهية و أكبر مثال علي ذلك صدام حسين اللي شرد ملايين بسبب عناده و لكن مبارك بيعرف ازاي يتعامل مع الحثالة خرابيين البلاد..طبعا عارفين مين...المهم أن كل بلد فيها فيها بلاوي حتي أمريكا نفسهاوبعدين أللي يشوف بلوة غيرة يقول علي مبارك أحسن من غيره..واللي نعرفة أحسن من اللي ما نعرفوش ... وشعبنا ده عايز كل حاجة علي الجاهز ..يعني لو عاش المصريين يوم واحد في الصين مثلا مش هيستحمل ده انتم بتعدوا تعملوا في المشروع اكتر من شهرين في حين ان انتم لما تتزنؤا بتعملوه في أسبوع واحد .. ولذلك شعبنا ده ماينفعش غير تلاتة يحكموه "السادات"وده الله يرحمة أو"العفاريت"ودول مش في امكانناأو"مبارك"وده المتاح حاليا..
وربنا بقي هو اللي يسامحه علي اي شئ اخده ومش من حقة .اهو اخد والي حصل حصل ولكن الدور و الباقي علي أليي لسه بياخدوا....
وانا شايفة ان الفساد في البلد حاليا مش سببة الرئيسي هو مبارك ولكن السبب الأفراد اللي كل همهم يكوشوا و يلموا فلوس قبل ما يتشالوا من مناصبهم ولكن مبارك بقي عارف أن الموت وحده هو اللي يشيلوا من منصبه وحالنا احسن من بلاد بيموت فيها عشرات كل يوم بسبب سوء التفكير .لو فكرنا شوية بدون اندفاع و عواطف أكيد هنعرف نلاقي حل لمشاكلناالجوانية أحنا بنفسنا و نسيب مبارك يمنع بقي التدخل الخارجي فينا وانا متأكده ان مفيش حد غيره يقدر يعمل كده وكفاية الحركة اللي عملها لما فتح المعبر للفلسطينين يعني سابهم ياكلوا فينا و لم يسمح للغريب ياكلهم ..وبعدين مش هتلاقوا شخص واحد كامل ممكن يشيل كل المسئولية دي بدون أخطاء..وبعدين انا بقي اسأل سؤال: تفضلوا مبارك بكل مساوؤه ولا يحكمكم واحد زي بوش يعيشكوا في نعيم ورفاهية بس يبقي أرهابي و يقتل بره ملايين.ما تقارنوش مبارك بشخص في خيالكم..قارنوه بالواقع أليي حواليكم يعني مبارك أحسن ولا رئيس فرنسا ولا بوش ولا القذافي ولا غيرهم كتيررررررر.. من بره هلا هلا ومن جوه يعلم الله .من الأخرأنا بحب حسني مبارك وبقدر كل اللي عمله في البلد ولسه بيعمله ودي الكلمة اللي هاقولها في الجواب..ما انتم كده يا مصريين ناكرين للحقائق ولا بيعجبكم العجب ولا الصيام في رجب.
هبه مكي
أولا مبروك على المدونه
ثانيا بقى و ده مش مهم خالص وهو رساله الى الرئيس
فبما انها مش هتوصل
ولو وصلت مش هتتقري
ولو اتقرأت مش هتتنفذ
ولو اتنفذت حقي مش هيجي لي
يعني من الآخر مفيش فايده
هو الواحد يعري راسه ف وسط الشارع او ف السيده اي سيده و خلاص
ويقول تحيا مصر
سعودي
انا مع الاخ اللي قال اني الريس دماغه جامده وان فعلا اللي بيتحمل اعباء اثنين بيلوص الله يكون في عون اللي يتحمل اعباء 70مليون واحد
الاول
احب اهنيكي علي المدونه الجديده وربنا يوفقك
ثانيا
بالنسبه للسؤال اللي انتي عايزاله اجابه لو الرساله هتوصل يبقي اقوله يخلي باله من مصر مصر غليا علينا وعلي الملايين وان مصر تستاهل ان الواحد يضحي علشنها وده مش كلام وخلاص انا شخصيا لو اطلب مني اني اضحي بروحي علشان مصر وبدون تردد هضحي
هبوووووووش
منورة والله
اجيبلك كانز بيبسى اللى بتحبيها ....
السوبر ماركت قافل مش مشكلة
بس ايه يا بنتى الرسالة المستفيضة دى ده انا قولت رسالة اقصد كلمتين مش وثيقة اعلان الاستقلال بس تشكر يا ذوووووق
محمود سعودى :مش شرط تعرى راسك وتدعى انت بالذات استنى اما تسافر السعودية وادعى ادام الكعبة ...
الاخ او الاخت غير معرف :انا حاسة كده انى عارفاكى ماعلينا
بص بقى مع احترامى لرأييك بس لو المسئول مقدرش يتحمل أعباء مهامه يبقى يقعد فى بيته أحسن ولا تقول لى 70 مليون والا 100مليون طب ماالصين شعبها بالمليارات وكمان احنا مش عاوزين ننام ونقوم نلاقى مصر احسن بس على الاقل نحس ان فى خطة للتقدم للاحسن واحنا شعب صبور لو حد قال لنا مشاكلكوا هتتحل بعد 50 سنة هنصبر بس نحس ان مشاكلنا على البال مش أكتر من تلات ارباع الشعب عايشين صفر على الشمال والربع التانىعمال بياكل فى أتة محلولة
ليه مش تكلمينا عن عيــــــــد الحب
الحب شئ جميل مش شرط حب الحبيب لحببته او العكس لا انا قصدي الحب بوجه عـــام حب الحياه - حب العمل - حب الخير - حب النظافه......الخ الحــب
اكيد من غيره منستهلش نعيش
هزورك قريب واتمني القي "كلام في الحب" بس من اخراجك سلااااااااام
منورة يا طالبة صداقة واتمنى نبقى صحاب
تصدقى انتى بتقرى افكارى ...انا فعلا عاوزة اكتب حاجة عن عيد الحب
بس اسمحيلى تكون حاجة مطرقة من وجهة نظرى
ازيك يانوسة ياحبيبة قلبى وحشانى موووت احب احييك بجد على مدونتك والفكرة تحفة وحلو انك نفذتيها انا كمان فكرت انى اعمل حاجة اطلع فيها كل طاقتى واكتب فيها كل اللى بفكر فيه بس موصلتش لحاجة بس بجد انتى دماغ جامدة انك فكرتى فى كدا احب احييكى وابقى قوليلى يانوسة عملتيها ازاى علشان ادخل انا كمان عالم الانترنت يابوى..
ويارب اشوفها كدا اكبر مدونة فى مصر وتبقى انتى كمان اكبر اعلامية فى مصر
ايه دا ايه دا المقدمة طولت منى اوى!!
معلش ندخل فى الموضوع ..
بالنسبة لسؤالك اللى طرحتيه احب اقتبس جملة قالها طفل صغير فى طابور الصباح فى مدرسته:
" تحيا ملوخية مصر العربية!!!!"
فعلا عنده حق لان مصر تحولت من بلد الكوسة اللى بلد الملوخية ...
يعنى.. ولا بلاش يعنى خللى الحدق يفهم..
ملحوظة صغيرة: انتى يانوسة من اكتر الناس اللى كان نفسى تبقى رفيقة دربى وحتى فى مشروع التخرج لانى بجد بتعجبنى دماغك مووووت (ودا مش نفاق بس ابقى باصيلى ربع جنيه.. اى خدعه)
تانى حاجة بقترح عليكى تناقشى هوس المصريين بالكورة دون سواها خاصة فى ظل بطولة الامم الافريقية...
تحياتى ياقمر واللى الامام دائما يا مستقبل الاعلام المصرى..
وسلامى لدفعتناكلها نفر نفر اللى اعرفهم واللى معرفهمش وحساب المشاريب عند صاحب المدونة ..
سلام
هااااااااي نوسه انا صوفيا مبروك علي المدونه بس ابقي قوليلي عملتيها ازاي يمكن اعمل زيك اصلها فكره حلو ربنا يوفقك
قولك سؤال ولما ادخل مره تاني ياريت اشوف اجابيك اشمعنا انتي طحتي اسأله
تعرفي كلمه " ازيك " معناها ايه؟؟؟
هنتظر ردك المره الجايه بااااااي
إرسال تعليق