ولو فى يوم...
ولو فى يوم ...
راح تنكسر ...
لازم تقوم ...
واقف كمان ...
النخل باصص للسما للسما
راح تنكسر ...
لازم تقوم ...
واقف كمان ...
النخل باصص للسما للسما
مش عايزة انكسر
بخاف من لحظة الانكسار
ومن بعدها..
يمكن أقوم أقف
ويمكن ميمكنش..
جايز رجليا تخذلنى ومتتحملش
خايفة أقول الأه بصوت مسموع
أبص حوليا ألاقى شفقة فى عيون الناس
أو ألاقى شماتة متتخباش
مش عايزة انكسر
وبخاف من لحظة الانكسار
بخاف من نفس لوامة
بأصعب لوم
بخاف من غلطى
ليستحيل إصلاحه فى يوم
بخاف من بكرة جاى
وكيف أحياه
وأنا عايشة فى لحظة انكسارى حياة
هناك 4 تعليقات:
واللى انكسر عمره ما بتصلح....ههههههه
معلش ..اصلى مهيسة حبتين.
عموما طالما ادركتى لحظة الانكسار يبقى فيه امل كبير تقومى .
و ان كان على الشفقة اعتبريها تعاطف و ان كان على الشماتة فده مش حاجة وحشة عندك هما اللى وحشين.
و بعد الشر عليكى من الكسور و الكدمات.(",)
ههههههههههههههههههه
خفة يا بت
مش عايزة انكسر
بخاف من لحظة الانكسار
ومن بعدها..
يمكن أقوم أقف
ويمكن ميمكنش..
جايز رجليا تخذلنى ومتتحملش
خايفة أقول الأه بصوت مسموع
أبص حوليا ألاقى شفقة فى عيون الناس
أو ألاقى شماتة متتخباش
عجبتني اوي الكلمات دي
بجد احساسك جميل اوي وكلماتك معبره اوي
كتير مننا بيمر بلحظة الضعف والانكسار دي
بس لازم تبعدي عن الانكسار
لازم تخلقي من الانكسار دا قوة
انا اول مره ازو مدونتك بس بجد عجبتني جدا
استمري
وبدعوكي لزيارة مدونتي
:)
تحياتي
هاجر زعبل
لحظه الانكسار دايما بتبقى صعبه و الكل بيخاف منها
و اللى يقدر يكون قوى و يحولها يبقى هو اللى يقدر يمشى فى الحياه
دايما يارب تكونى فى لحظه قوة و يبعد عنك لحظه الانكسار
تحياتى (:
إرسال تعليق